شرح عمل صورة متحركة على صورة ثابته واسماء الله الحسنى ان شاء الله

السلام عليكم

أحب افكركم هنا ان شرح النهاردة يمكن تطبيقة على افلامكم الخاصة بمعنى يمكن اضافة مقاطع من افلامكم على صور خاصة بكم او حتى صور عامة..لكن ده موضوع نتكلم فيه بعد شرح النهاردة ان اذن الله وكان للعمر بقية

نفتح الملف المتحرك بصيغة (GIF) فى الايمدج ريدى يظهر كما بالصورة



ملحوظة: بالنسبة للاخوة اللى عندهم الاصدار الاخير العاشر حايقومو بفتح الملف المتحرك

من القائمة واختيار Import وسبق شرح الموضوع من قبل

نقوم بتظليل كل طبقات الملف المتحرك لنربطهم معا بسلسلة عن طريق الضغط على زر

الماوس الايمن واختيار Link Layers



والصورة ادناه توضح الاختيار



الان نقوم بتظليل كل الصور المربوطة معا ونسحبها الى ايقونة عمل مجموعة كما بالشكل

التالى



خلاص قربنا نخلص التصميم ان شاء الله...دلوقتى نفتح الصورة الثابتة اللى نختارها

ونسحب المجموعة عليها



وشكل التصميم فى صندوق الطبقات او الليرز حايكون كده ان شاء الله



نقوم بازالة العيون من كل الطبقات عدا الاولى والتانية زى كده



ونفك السلاسل من الطبقات بنفس الخطوات اللى ربطناها بيها فى اول الشرح



نيجى لاخر واهم خطوة باذن الله وهى اننا نضيف طبقة فى صندوق الانيماشن وبعدها مباشرة نظهر

العين فى صندوق الطبقات.. لو نسينا طبقة فى اى خطوة الصورة المتحركة حاتكون متقطعة

لذا هذه الخطوة مفروض عملها على مهلنا قوى



ونقوم بتكرار هذه الخطوة مع كل لير او طبقة دون نسيان طبقة او اكثر لاظهار العمل بشكل احترافى ان شاء الله

وده ناتج العمل اللى انا حبيت اشرحه على صورة كاريكاتورية محاولة لوضع بسمة على وجوهكم

البشوشة..على الله تعجبكم ان شاء الله



وده نموذج أخر



وفيه موضوع مرتبط بهذا الشرح وهو عمل اكتر من صورة متحركة على صورة ثابتة

والحمدلله قدمت الموضوع من مدة وكان اول موضوع على مستوى المنتديات العربية يقدم باضافة

5 صور متحركة على صورة ثابتة وادناه الصورة فى شكلها النهائى وفكرتها نفس فكرة

عمل موضوع الشرح بتاع النهاردة لكن محتاجة لوقت ودقة وصبر لاننا بنكرر الخطوات

على كل صورة متحركة نضيفها

وعلى فكرة اسماء الله الحسنى الموجودة اول الموضوع من تصميمى والحمدلله وبنفس طريقة الشرح المذكورة - وكنت لاحظت ان فيه تصميم لاسماء الله الحسنى يستخدمة الكثيرون من رواد المنتديات العربية وبه اسم من اسماء الجلالة مصمم خطأ وكتبه المصمم الذى لم يقصد بالطبع وجزاه الله خيرا كتب اسم المنتقم خطأ "المنتنم" وعليه فكانت اول طريقى لتعلم الفوتوشوب لاستدراك هذه الخطاء وقمت بارساله لكل من وقعت عيناى عليه ويقوم باستعمال التصميم الموجود به الخطأ ...والحمدلله ارسلته ايضا لموقع الامارات العربية لانهم كانو بيستخدمو التصميم الخطأ



ودى صورة اخرى استخدمت فيها صور الياهو وبعض الصور الاخرى على خلفية بيضاء



خالص تحياتى واتمنى اكون قدمت شرح مفيد ولا تنسونا من صالح الدعاء